Vikinghovud

Osebergfunnet er det mest omfattande gravfunnet fra vikingtida. Det vart oppdaga i Oseberghaugen i Slagen i Sem kommune (no Tønsberg) i Vestfold fylke. Haugen vart opna og gravd ut frå 13. juni til 5. november 1904, under leing av arkeologiprofessor Gabriel Gustafson ved Universitetets Oldsaksamling, assistert av Haakon Shetelig. Skipsgrava, som sidan er datert til år 834, inneheldt restane etter to ukjende kvinnelik, ei mengd dyreoffer og eit svært rikhaldig gravgods, deriblant eit vikingskip med eit teltforma gravkammer, treskjerarkunst og tekstilar. «Osebergskipet» og mange av bruks- og praktgjenstandane fra funnet er stilt ut i Vikingskipshuset på Bygdøy i Oslo, saman med «Gokstadskipet» og «Tuneskipet».